أغاني فلكلور شعبي - أفراح :) -1-

مسلسل الوتد

لأن الفلكلور له أصول، و لأن قعدة الستات مفيش أحسن منها..

طالع يناغشها .. نازل يناغشها
كسر غوايشها .. بالليل الساعة واحدة
ويا رمانة واحدة

***
على نور العين .. مسى لى يا قمر
دى حلاوة الزين .. شاكالاطة وعين جمل

***
يا بت مالك ملويه .. اه يا ولا
زي بوز الحنفيه .. أه يا ولا
باين عليكي مصديه .. والسلم نايلو فى نايلو
العتبة جزاز  .. والسلم نايلو فى نايلو

***
افرحي يادي الاوضة .. جياكي عروسه موضة
افرحي يادي المندرة .. جياكي عروسه سكرة
افرحي يادي القاعة .. جياكي عروسة الساعة

***
قالو كتبوا كتابك .. قلت على مين ؟
قالوا ع الجزار
قلت يا خيبتى .. يا ميلة بختى
يسيب اللحمه ,, وييجى يقطع فيا يا
يا مهلبيه .. يا .. رز على ملوخيه .. يا

***
حمره يا قوطه
آى آى
وانا طالعه بالطبق .. وقع الطبق اتكسر
آى آى
قالت لى فداكى يا عسل .. مش كل الحموات
وحماتى حلوه

***
يا احنا .. يا احنا
يا شربتات .. يا احنا
فى الكوبايات .. يا احنا
يا احنا وبس .. يا احنا
والباقى قش .. يا احنا
يا عود نعناع .. يا احنا
مع البياع .. يا احنا

***
يا عود شطاطه يا ولا .. يا عود شطاطه
أمك واقفه لى ع السلم .. زى الفطاطه

***
شوفوا العروسة تقول للعريس أيه
معرفش أدق التوم .. إلا بقميص النوم
معرفش أدق الكسبرة .. أنا لسه عروسة صغيرة
***
على علب التونه يا ولا على علب التونه
اوعي تتزحلق ياولا وتاخد الصابونه
فى البلكونة يا ولا فى البلكونة
عايز تهزر يا ولا شد الجيبونه

***
عند بيت ام حنان .. هاي هاي 
والشجره طرحت رمان .. هاي هاي
واللي بحبه جدع عجبان  .. واللاسه لاسه نايلون

***
ياللى ع الترعة حوِّد ع المالح
إيدى بتوجعنى .. من إيه ؟
إيدي بتوجعني من غسيل امبارح
ياللى ع الترعة حوِّد ع المالح
راسى بتوجعنى .. من إيه ؟
راسي بتوجعني من لف امبارح

***
أول ما دخل .. هيه .. دخل ع البوتجاز .. هيه
فرجها الجهاز .. هيه .. واتكل ع الله
تانى ما دخل .. هيه .. دخل ع الأوضه .. هيه
لبسها الموضه .. هيه .. واتكل ع الله

***
ايوه يا واد يا ولعه
خدها ونزل الترعه
البت حبت الدكتور .. والدكتور حبها
ساب العيادة وراح لها .. وخدها ونزل الترعة

***
أحمد مجاشي؟ أيه لأ ايه لأ
و لا كلمناشي؟ أيه لأ ايه لأ
ولا خدش عضة؟ أيه لأ ايه لأ
من ع المخدة؟ أيه لأ ايه لأ
و حبيبي يا أحمد، ياللي ع الجبهة.

***
يا حلوانى يا  .. امك مش عجبانى يا
امك بتوكلنى مش .. واختك بتوكلنى مش
عليه النعمة لأفور وافش  .. واكل لحمه ضاااااانى

***
ناديله يامه  .. الحليوه بره
وعملنا كده وكده .. يا حبيبي كده وكده
حلفتك بالسيده .. ما انت بايت بره
ناديله يامه الحليوه بره

***
حلو يا رمان بلدنا
ماسخ يا رمان بعيد
كل ما آجيبك ع المخده
تتدحرج وتروح بعيد

***
آه يا ناعمه يا غريبه .. آه يا بنت الناس الطيبه
أنا عيانه ماباكلش العيش
خدني فى حضنك كده بشويش
أنام واصبح لك طيبه

***
و أتدحرج وأجرى .. يا رمان
وتعال على حجري.. يا رمان
دا أنا حجري حنين .. يا رمان
ياخدك ويميل .. يارمان

***
ايوه يا واد وعرفت تنقي
ايوه يا واد خدت الأموره
وعرفت تنقي يابو عيون سهيانه
خدت الأصيله اللي رجالها ياما

***
اهو جالك يا بت .. ريح بالك يا بت
إعملى له حلة محشى .. يسقط فيها ما يطلعشى

***
حاسب يا أسطي حاسب .. أحنا جايين نناسب
حاسب ع العربيه .. جايين ناخد الصبيه

***
أه ياليل ياليل .. ياما طال الليل
ألبس له الحرده الحمرا
واقلع له الحرده الحمرا
على ضي القمره و فى هويد الليل
و أه ياليل ياليل .. ياما طال الليل

***
زعلان ليه تعال لما اقولك
انت كيلو لحمة وانا كيلو لحمة
ناكل لما نشبع والعضم لامك

***
دوسي يا بت دوسي
ع الفرش الاخضر دوسي
خشي مدنيهم  .. دا انتي الحلوه اللي فيهم
خشي نوريهم .. دا انتي الحلوه فيهم.