هنتوب لا ندوب - فارس - احمد فؤاد نجم

هنتوب لا ندوب في غرامك دوب
يا بو خال ع الخد و شال ع التوب
يا حرام يا حلال يا ابو تيه و دلال
دوبنا القلب و لسة يا دوب .. لسة يادوب هنتوب..

من قُدر عنيك يا دلالي عليك
سهرت عيون عشاق حواليك
و انت اللي تنام طبعا يا سلام
ما احنا المجاريح و الدوا ف ايديك

هنتوب لا ندوب جنبك يا جميل
دوبان السكر في الفناجين
و نروح ببلاش و انت متدراش
و يقولوا علينا الناس مووايل

و عنيكي سكة سفر

و عنيكي سكة سفر .. في الصحرا و الواحة

و الشوق و دنيا السهر .. لا نوم و لا راحة 

ولا النجوم السود .. بينادوا ع الموعود

و انا اللي خدني الغزل ع الجنة طوالي

و شربت نهر العسل، و غزلت موالي

و سهرت فيكي الليل .. و الناس تقول يا ليل

و رجعت سكة سفر .. ف الصحرا و الواحة

في عنيكي

و انا بقول يا ليل .. و لكل عاشق ليل

يا جنة الملتقى مين فات سأل عنّا

و مين عطف بعدنا ع الورد يا جنة

من لحظة كنا سوا .. و العشق كان تباريح 

و رجعت سكة سفر .. ف الصحرا و الواحة

في عنيكي

احمد فؤاد نجم .. و عنيكي سكة سفر - زياد سحاب - مدحت صالح